زهيري ومواويل عراقية مت بغرامك صرت يانور العين كحال
الغريگ الذي جلب بجشه كحل
انته مصيبه حسن من الشعر للكحل
وحسنك يغالي مثل سيفن ضربني فشگ
صدري ونزل علگلب هم وصلتين نفشگ
انته بلي كحل عيونك تنثر فشگ
تريد تهمدنه درت فوگ النواضر كحل
ياصاح ربعي شكثر واعدادهم .... بلماي
بس كلبي ياما نده ياهو الشعر .... بلماي
فتيلة لبلمهم صرت وهمة ازرفو .... بلماي
وخلوني وسط البحر كل ساعة الي .... غطة
والماي اخذ هامتي ولكوكتي .... غطة
كلبي لحجيهم كتم واسرارهم .... غطة
وياحيف تعبي صبح مثل الملح بلماي
ياصاح بدرك جذب وليل الي عشتة .... منطلي
وحجيك عبر عالغير بس علية .... منطلي
اتكول ناطيك وك حاسبني لو .... منطي لي
وتكدر لباب الحجي المابي نفع .... تجفلة
موش بتهيمة طحت وانة الوفي و .... تجفلة
انة الجنت ذيب لو مر عالغنم .... تجفلة
بس يحيف بهذا الوكت جم ذيب الشرد .... من طلي
كتله احبك انا....كال اني لا مو الك
كتله اريدك الي .....كالالي اسكت ولك
كتله الهجر مو الي ...كالالي لا لك لك
كال اني طبعي الغدر ابد لا ما بدله
ياهو الكلبه عليه وياهو العلي بدله
لبسني ثوب الهجر ورهملي البدله
وخلاني حاير اظل ولغيرهه اتلكلك
مســـدود باب الفرح بس آنه أظل فاتحه
ومن مات عندب الصبر بيدي انصبت فاتحه
واللــــي كــلامه عوج انته بعد فاتحه
تدري بكلامي عدل مــــــا دورت لوفات
وميهمني كسـر الضلع بين الكلب لوفات
جنت آني كلي انسعد يمي الحلو لو فات
شــــو هسـة لمن يمر يقرا علي فاتحه
من الجنابي لعيونكمواتمنى ينال رضاكم
روحي بجفاكم على نار الهجر تنكل
وحبكم عليه فرض مو سالفة تنكال
بالك تعاشر لئيم وبرخص تنكل
واحذر الناس اللي على الوجهين كلابة
كبودي بجفاكم صفن بالنار كلابة
انجان حبك قايسة حمل كلابة
حبي لواري ليوم الحشر تنكل
مامره كلبي سلاك وصار منكلبي
واذا اذكرك احس اشتعل من كلبي
سنين وانا على نار جمرك ومنكلي بيه
انثر دروبك ورد والكاك بؤس انته
ومحد سكن هالكلب يازين بس انته
انا الهويتك شلعت العين بس انته
صديت عني وشلعت عروك من كلبي
وليفي بعد هجرة الطال مرةجاني
وعاتب علي حبك كال ترة مرجاني
يسأل ليش انة مانسيتة مرجاني
منساك لومو رجاتك لووياك كل البرية
ولا تكول النوب أسألتك منك برية
وكلبي لو تدري شكد تعم بيه البرية
جان حبك صار لية حب مرجاني
من يوم عني رحلت قلبي تكطع وصل
وبالليل انه كعدت اندعي لربي واصل
وانخا لرب العرش بلكي تعود الوصل
لان انته قطعت دهب وسط القلب مندك
ومن كالو انته غبت هاون بصدري ودك
ولو شاع صيت وخبر وسمعت هوسه ودك
اركض بايد ورجل واصرخ الغالي وصل
تايه بنص الدرب من شوكي الك غركان
ومن كثر دمعي النزل ضنيت انه غركان
وميفيد نوح وبجي بحبك اظل غركان .
وكل هدا لنك وفي واسمك بصدري جرى
وماجوز منك ابد شما طال عمري وجرى
تدري لو حبك نهر وبنصه انه وجرى
لبقى طول العمر وسط الجرى غركان
مضروب حربات وبليل وخلى وانزف
الرد
انزفت بالافراح زفت عرس زفتها
وروحي من الهموم باحسن طور زفتها
دروب عني الزمان بظيم زفتها
وياحيف درب الفرح عن الوكت سدوه
وكلبي باللهم غرك ما فاد بي سدوه
يومن شفتها معاه وكاعده بسدو
تمنيت ميت كبل لاشوف زفتها
عدو ليش اصبحت لي بدل ولف
يلمابدلتك بواحد بدل وألف
تضم وجهك هاذمني؛ بدل ولف
خركةعلى وجهك هاذ يخافني
اردك بشعري ليش ؟ يخ فني
وماخاف من الشماتة يخفني
ولا من اغلط انة ابدل ولف
راحو منيدي اعز الناس ملكاهم
شحال المضيع ولف هيهات يلكاهم
العيد المضه بلفرح يازين ملكاهم
والدار من عكبهم توحش فلا ونسه
وانوح الهم عبره وحزن واجاوب الونسه
كلما اصبر النفس بلجي يطول الوكت ونسه
تهيم دليلي محاري اديار ملكاهم
جرحي غميج وابد خياط ماجابو
اصبحت مثل اليتيم الراح ماجه ابوه
الراح مني جثير المال ماجابو
من جنت جاهل على اللوعات رباني
ماأشتكي للبشر اشكيك ربي اني
اذا انت بجفاك داواك رباني
دواي مفقود حتى الزير ماجابو
چنه اهل بالوكت يامنيتي ماكو حد
وشربت كاس الصبر وبحدة اظن ماكو حد
ادري بعمرنه خلص بين السبت ماكواحد
وياگلب ادريك حمله سنين طحت الهم
حزن وقهر بيك ومن چفى طحت الهم
احبابي بالضيچ بعالي الصوت صحتلهم
رد صوتي يبچي بحزن مظلوم ماكواحد
لوله تصير العمر صدك الك محترف
وعيوني بس عالدرب ويه الملامح ترف
امحه العدو والنذل يگلبي وامحه الترف
واترك وصال النذل لاترتچي وصله
وبنار جمر العشك ارد احرتك وصله
ولفي العشگتو عمر ما يعترف باصله
واضحلي انو صدك بس بالغدر محترف
شجاب الحزن عل الكلب ياناس علامة
وأصبحت وسط الحزن سارية وعلامة
جدمي شردو على العافو وعل لأمة
بير الهموم وتلولح انه وراسي بي
وجور الأيام في كلبي صفه راسي بي
بدروس الأفراح كل عمري كضه راسي بي
وبدروس الأحزان كلبي صار علامة
شكرأ لكم 
اخوكم / محمد الزبيدي 
lllllllllliiiiiiiiiillllllllll85@ymail.com